El morgeha المرجيحة

سيجارة مرلبورو احمر مش مخززة و فنجان قهوة بوش و محمد منير قلبة برج حمام . بتشتى برة (بتشتى اسكندرانى) بس انا دفيان منغير هدوم كتيرة . لسة فى حجات حلوة!!! :)

خلال الشهر الى فات سفرت كتير , فى الاول كان شئ لذيذ التنطيط يعنى امريكا الى مصر مرورا بلندن بعدين مصر لدبى بعدين دبى لتيلاند و نفس مسار العودة الى امريكا بس مرورا بفرنكفورت . سيبك من كل حاجة المطرات عندنا اية الهباب دة لية كدة يا اخونة . يعنى و انا نازل دبى عادى متوقع ان المطار هناك يضرب مطارتنا بالجزمة و بالمنسبة المطار نسخة من مطار ديترويت بس من غير القطار الى بيربط المطار ببعضة. لكن مطارات تيلاند تطلع انطف من الى عندنا ....لية يعنى. انا نزلت فى تلات مطارات هناك اتنين فى بانكوك الى هما المطار الدولى و دة زى اى مطار فى اوربا و امريكا بعدين المطار المحلى و دة مستواة اقل طبعا بس لسة انطف من الى عندنا و اخيرا مطار بوكات ودة ممكن نقرنة بالمطار بتعنا بالمنسبة دة مدينة سياحية مهيش مركز تجارى ولا اقتصادى ولا احزنون.

انا بقارن بمطار القاهرة كل دة مطار اسكندرية الدولى الشهير ببرج العرب دة بقى عامل زى استراحة السوبر جيت ولا يمكن السوبر جيت انضف شوية. الى كان بيوصلنى مكنش مصدق ان دة المطار يقلى لا احنا تهنا يا عم دة المطار مفيش مصدقش غير لما سؤل. التكسيات بقى ......معنديش مشكلة فى الهربدة و التكسير الى هى فية بس اية المشكلة انها تتنظم فى طبور كدة و الناس تركب بنظام؟ طول عمر البلد و الى فيها كسفنا بس المرادة كسفتونا بزيادة!

 read more »

شاهد الفديو هنا  read more »

A man do ....what he has to do. 

ممكن حاجة عبيطة تفرحنى قوى , يعنى لمل اقوم يوم اجازة و انا عارف انى هفطر اكل انا بحبة يبقى الواحد قايم دماغة موزونة و ميت فل و عشرة. و سعات برضة حاجة عبيطة تطلع على الواحد و ديمن كل حاجة تاثرها بيضاعف وقت النوم. قبل ما انام كل الحجات الى مديقانى تطلع على و كل الحاجات الكويسة برضة تطلع.

   read more »

-حسيت بأية لما نقلت هنا؟

- عارفة , الثقافة الامريكانى موجودة فى كل حتة, يعنى مبتحسيش بصدمة .

- انا عمرى ما سفرت برة حتى الجامعة كانت هنا , انا عمرى ما عشت برة الولاية اساسا.

-هما الناس برة بيقلوا علينا اية , بيكرهونا؟

- هما مش بيكرهوا الشعب الامريكان هما بيكرهوا بوش , بالعكس هتلاقى الشعب الامريكانى مترحب .

(...)

- انا مديقة من الاعلام الموجة و ان الناس بتسمع الى حد تانى عايز يسمعهولها.  read more »

محامى ينتمى للمحظورة ارسل انذار على يد محضر للمواطن محمد حسنى مبارك رئيس المحروسة . السبب اعتقالة من على سريرة من قبل جهاز امن الدولة و تعذيبة (ضرب و كهرباء بس) منذ ست سنوات و لم يحاسب البشوات على تجاوزهم لحد النهردة . فى البداية رفض قلم المحضرين تسليم الانذار لكن بعد موافق رئيس محكمة عابدين الابتدائيى تم ارسال الانذار لسيادتة.  read more »

الدنيا سقعة و مغيمة

و بطة ماشية لوحدها فى البحيرة السقعة

بتسئل عل اجدع راجل عرفتة

كان بيقعد على الشط

ياترى هيسبوة يرجع تانى

يقعد على شط البحيرة

احتمال كبير يسبوا ....بس هيغلسوة علية شوية علشان يرجع

كان نفسى يبطلوا يغلسوا علية

بفكر سعات انى قصرت فى حجات

اصلة كان اجدع راجل عرفتة

فعادى انى افكر كدة

يلة هستناة تانى

ماهو مفش حاجة دلوقتى غير انى استنى....

اهة شقشقت شوية

البطة عندها نص ابتسمة

 read more »

اية اكتر حاجة بتخاف منها ؟

سؤال غبى جدا لا اجد لة اجابة لكن محاولة منى لعدم الاخلال بالجو الحميمى مع اشخاص بالكاد اعرفهم و بالكاد يعرفونى . نحاول التقرب من بعض يتصنع احديث عميقة ,لاننا مثقفون  (او مثقفين لا اعلم الاعراب الصحيح) علينا الفزلكة على بعض . قام زملاء اللعبة بدورهم فى الفزلكة و الاجبات جائت عميقة على المستوى المطلوب و سريعة مما يبدوا انهم لعبوا هذة العبة من قبل فكل شخص يعرف كيف يجيب و كيف يقنع .

واقعين لم اجد شئ اخافة على الاقل وقتها لم اجد ما اخاف منة لكن نعود الى الجزء المتعلق بمحاولتى لعدم الاخلال بالجو الحميمى. اجبت السؤال محاولا ان ابدو مقنع , بدى لى انة من العنجهية ان اقول انى لا اخاف شئ. لكنى لم اكن مقنع , واضح جدا فى الابتسامة الصفراء انى غير مقنع . و لانى كسرت جو الحميمة و الكلام مات بعدها و تفرقت الجلسة فكرت اكثر كن مرة فيما سأقول اذا طرح السؤال مرة اخرى.

لكن الايام تتغير الذى لم يكن يخاف شئ يخاف صوت دربكة خارج باب منزلة او اى صوت فى غير محلة . هل هناك اخر لا يخاف شئ و كيف كان الشخص لا يخاف ؟

 read more »