El morgeha المرجيحة

الست الدكتورة , فى الواقع هى محامية بتدينى فصل اسمة "اخلاقيات فى الادارة" انا بعانى من اول ما بدات الفصل دة رغم انة معمول على شكل نقاشات كل مرة تطرح موضوع اخلاقى للنقاش . انا فى الاول تحمست جدا للفكرة, نقاش بقى و تفلسف حجات من بتاعت زمان دية . اول مرة فتحت نقاش عن حالة سجين مدان بتهمة اغتصاب طفل, انا قلت فى بالى سجين على تهمة اغتصاب يبقى النقاش عن حقة فى محاكمة عادلة و فترة التحقيق لا يتعرض للتعزيب او التسيخ "شئ من ذلك القبيل". السجين عندة امراض عدة و هو يحتاج رعاية طبية خاصة تكلف دافع الضرائب اموال طائلة , فهل نعالج السجين و نكبد دافع الضرائب  ام  نطلق سراحة مع العلم انة تجاوز الستين و حالتة الصحية حرجة ولا ينتظر انة يعيش طويلا ؟ بمعنى ان النقاش حول واجب الحكومة حماية المجتمع من المجرم ام حماية اموال المجتمع من انفاقها على مجرم لن يعيش طويلا؟ مفروض انى بعد ما اشاهد متهمين متعلقين زى الدبيحة و متهمين بيتسيخوا , اتناقش ساعتين فى حق المدان فى العلاج و حق المجتمع فى الامن من المدان و حق المجتمع فى الحفاظ على اموالة. حاجة كدة زى ما سائلوا واحد عراقى (ايام صدام) ما رائيك فى اكل الحمة قلهم يعنى اية رائى.انواع النقاشات الى بتطرح فعلا لا استطيع المشاركة فيها بااى راى لان المشكلة بالنسبالهم مش موجودة بالنسبة لى اساسا.

مطلوب مننا فى الفصل ايضا نقدم ستة مواضيع ننقض فيها مقالات من الناحية الاخلاقية .حاضر. كتبت النقد و سلمته مش عاجب . اولا لانى بعمل اخطاء املائيى و لغويى وقواعدية (من باب قواعد اللغة) كتير , انا عارف الموضوع دة مش جديدة و ملهاش حل. التانى اسلوب كتابتى مبيوضحش وجهة نظرى لكن برمى القارء بدون نهاية واضحة . دة اسلوبى مبحبش اوجة دماغ الى ادامى هو بقى يعمل مجهود و يشغل دماغة شوية و يفهم اتجاه الكلام . شرحت و جهة نظرى هنا براحتى شوية . فى النهاية الكلام معجبهاش و دة معناة انى هاعيد خمسة مواضيع من الستة يعنى معانة مزدوجة القعدة فى الفصل و النقاش فى كماليات متكاملة, اعادة كتابة المواضيع لا و توضيح وجة نظرى و كمان بدون اخطاء لغوية . دية معانة مربعة .

سوف استمتع بترك التدوينة بدون نهاية واضحة او اتجاة واضح و متحبشة بالاخطاء الاملائية و الغوية.