El morgeha المرجيحة

بسم الله الرحمن الرحيم

اخوانى الاعزء طبعا كلنا متبعين اخبار بلدنا الحلوة ام الدنيا زى ما بيقولوا وطبعا متبعين اخر اخبار حكومتنا العزيزة وماتفعلة من سهر وكدة وتعب لتوفير راحة البال للمواطن المصرى وكلنا شافين اد اية الحكومة بتحبنا دليل الفديوات المنتشرة اليومين دول ودا بياكد ان الحكومة عاملة واجب كبير مع الشعب يعنى مثلا ودى حصلت معايا شخصيا محل جرنا انسرق بليل ومسكنا الحرامى فى المحل وطبعا خد الطريحة الصح وقولنا نسلمة للنقطة روحنا نسلمة قام طلاعنا مخبر زى العجل كدة عند البوابة وقلنا رايحين فين قولنة اللى حصل قالنا خلو الحرامى معاكم وهاتوة بكرة علشان سعادة باشا الظابط نايم ..دليل اهو على جهد الحكومة وسهرها ليلا ربنا يخلى الظابط والحكومة ولا اية كمان يجى حتة امين شرطة معفن او مخبر جربان يمسك راجل او شاب محترم متعلم وشهادة عالية ويهزق اللى جبوة ومحدش يقدر يقولة انت بتعمل اية حكومة ياعمنا ومحدش راجل عليها لا واية الحكومة من حبها فى الشعب مش بتفرق بنهم يعنى مافيش حاجة اسمها راجل يتعذب وحريم لا اخرهم شوفنا كليب تعذيب الفتاة اللى الباشا ربطها من ايدها ورجلها وعلاقها فى الكرسى والتانية اللى الظابط ضربها بالخرطوم وغيرها ولسة عيجى غيرهم العرض متوالى حتى نهاية الظلم ورفع الستار وابقى حلنى ولا الكليب اللى اثار ضجة فى الشعب والحكومة عاملة نفسها من الحرير كليب عماد الكبير والظابط اسلام نبية الظابط اختصب عماد بعصاه الامن المركزى وكلنا عارفين العصاة دى عاملة ازاى تخيل لما تدخل فى راجل وطبعا عماد سكت وقال انا ارحو للقضاء المصرى والعدل المصرى يجبلى حقى وطبعا القضاء مخيبش ظن عماد محامى الخصم طلع عماد انو نصاب وبتاع مخدرات ومسجل خطر والقاضى اثبت كدة فى القضية وفى الاخر القاضى نطق الحكم حكم بتلات سنين سجن للظابط اسلام نبية وطبعا هو مقضى معظم الوقت فى ضيافة الحكومة ودا منهم سجن خمس نجوم يعنى المدة صفصفت على سنتين سنة ونص وعماد اتحسب من المسجلين خطر تحس ان القاضى مفكرها واحد ضرب واحد مش واحد اختصب واحد ادام 80مليون ونعم القضاء والعدل المصرى بلدة غربية تروح تطلب حقك يطلعوك سوابق ومسجل ومخدرات وبلطجة وهيصة اة يا بلد ...ولا سمورة بتاع بورسعيد سمورة ممسوك فى قضية مخدرات لسة على ذمة التحيق وطبعا الظابط شريف بية اخدة فى ضيفاتة علشان يكرمة سمورة فى المكتب والظابط بيصورة وهو بيستازن منة يروح الحمام الظابط قالة شخ على نفسك وبعدين اخليك تكمل فى الحمام ولا اية يا شريف باشا ابقى هاتلة كادلز او هات من عند امك بامبرز احسن ووفر علية وغيرة اللى انضرب على قفاة وعلى وشة واحسن اهانة بتحصل واحنا بنتفرج وكل اللى بنقولة واحنا مالنا خالبنا فى حالنا عايزن نربى عيلنا بس عنربهم على الذل والمهانة والجبن والاستعباد يعنى تربية فاشلة المهم كليبات التعذيب كتير ماشفناش يعنى وزير الخارجية بتعنا حبيب عدل وعدل على اية مش عارف المهم مشفناش حبيب باطل طلع واتكلم او علق حتى اية مش حكومتة دى ولا هو كمان من الحرير بس نعزرة يا جماعة الراجل سهران على رحتنا علشان نعيش فى امان عمال يقبض على تجار المخدرات والدعارة لدرجة انك دلوقتى تشترى الحشيش اسهل ما تشترى السجاير وارخص كمان لا واية كل تناية عليها هدية ويا سلام لو عايز بنت دى بقة عليها دسكونت وبنت كمان هدية زى الصيف دة كدة على الكورنيش فى اسكندرية امين الشرطة بتاع الشط هو اللى مشغل البنات يعنى تخش وانت محمى من الحكومةالراجل سهران يا جدعان ظلمينة انتم معلش يا عدل باشا انا بفهمهم اهو لا واية كمان اللى اجمل من دة كلة ان حرام ربنا عندنا فى بلدنا برخصة يعنى ربنا قال فى كتابة العزيز (انما الخمر والميسر والانصاب رجس من عمل الشيطان فاجتنبوة )صدق الله العظيم ..وبصراحة احنا فى دى مجتنبينة ياعم لا متقولش كدة عيب حرام اللى برخصة مافيش كبنهات ولا كبريهات ولا خمرات فى شارع الهرم وغيرة لا مافيش احنا بلدنا مش كدة معنداش اكبر نسبة دعارة لالالالا معنداش نوادى ليلية لالامعنداش فنادق خمس نجوم فيها صالة للشرب والاقمار الاية مش منطبقة علينا ياعم انت نفسى اقولة لا بقلب جامد بس ياخسرة الاية كل اللى فيها موجود عندنا وبرخصة ..نرجع تانى للتعذيب عزرنا باطل باشا علشان شغلة طيب كبرنا ريسنا العظيم حامى سماء مصر صاحب اول ضربة جوية اللى طرد اليهود والاعداء فين راية فى اللى بيحصل مش عارفين اصل هو ماسك بلد تانية مش من هنا هو فالح بس انو من ساعت ما مسك الحكم وهو فلقنا لما طلع دماغ ابونا من الصداع فرص عمل لكل شاب ان شركات واعزرونى انا لسة خارج من حرب وطبعا كل دة بيحصل الشباب والحمدالله شغال مية مية وراضى بالذل والحمد الله والشركات بتتباع للاجانب واليهود والعمال بتخصخص وبتسيب الشركة كلام الريس حصل الحمد الله والحرب خرجين من حرب كنا بنحارب بمسدساد مية وكسبنا واخدنا الارض ورمنها ليهم تانى بس فى صورة اقتصاد يعنى ضاع كل اللى عملناة واليابان انضرب فيها ننوووووى وبقت الاولى على عالم فى كل حاجة واحنا لسة بنقول احنا فى حرب احووو ياحرب ياخد المعونة بدل ما بتيجى للناس الفقرة تتباع لرجال الاعمال وهما يبعوها للشعب واحنا بنتفرج ربى عيالك ربى البلد الوحيدة اللى فيها طابور على العيش وياريتة ينفع يتاكل ولا ماما سوزان ام الطفل من اول ما المعدول جوزها مسك الحكم وهى انا اعلانى كوب لبن لكل طفل اصدها تشرد لكل طفل طيب يا ماما نفسنا مرة نروح نجيب عيش واحنا مرضين مش ننضرب ..واللى اجمل من كدة وانت مسافر من حب بلدك فيك وانت خارج تدفع 7 جنية رسوم مغادرة حتى وانا خارج منك عايزة فلوس وانت داخل 7جنية روسوم دخول ..ياسلام على دى بلد ..والاجمل بقة الطفل المولد حديثا علشان يتسجلة شهادة ميلاد لازم ورقة من الدكتور طيب ولو انا معيش اجيب دكتور يبقى ابنى فى البيباى زنبة اية الطفل وطبعا الدكتور عايز 100جنية او 50 جنية وعلشان تطلع شهادة الميلاد تدفع 20 جنية يبقى كلة 120 جنية يا حلاوة عيل لسة ماشفش الدنيا واتعمل فية كدة وبعد كدة اية ولا اية علشان تخلص كلة دة لو معاك واسطة تسلك او تدفع علشان تخلص موقف حصل معايا وانا جى من لبيبا بعد اما وصلت الجمرك المصرى فرحان بلدى واخيرا بعد اما طلع عين امى فى الجمرك اليبى وانتم عارفين اية اللى بيحصل للمصرين هناك روحت اختم الجواز بتاعى الراجل اللى اعقد على الكمبيوتر قالى سريع ولا بطى قولتة مش فاهم قالى عايز تختم دلوقتى ولا تستنى قولتة دلوقتى قالى حط 5جنية فى الجواز قال سريع ولا بطى المرتشى لعنةالله علية فين بقة المسولين وفين الريس كلة فى الرز ابو لبن والشعب فى البايباى دا مختصر من بعض ظروف الوطن واسف لو طولت عليكم ...