El morgeha المرجيحة

محامى ينتمى للمحظورة ارسل انذار على يد محضر للمواطن محمد حسنى مبارك رئيس المحروسة . السبب اعتقالة من على سريرة من قبل جهاز امن الدولة و تعذيبة (ضرب و كهرباء بس) منذ ست سنوات و لم يحاسب البشوات على تجاوزهم لحد النهردة . فى البداية رفض قلم المحضرين تسليم الانذار لكن بعد موافق رئيس محكمة عابدين الابتدائيى تم ارسال الانذار لسيادتة.

المشكلة لو كل ضحاية التعذيب سلكوا نفس المسلك رئسة الجمهورية هتحتاج قسم خاص لتلقى الانذرات . بعدين المحامى بيقول ان اللة سوف يحاسب الرئيس على عدم تقديم الظباط الى المحكمة كما لو ان سيادتة زى باقى البشر بيموتوا و ربنا بيحسبهم, دية اكتر حاجة شدتنى فى الخبر . يظهر المحامى ميعرفش ان ان اخبار تدهور صحة الريس دية كلها اشاعات و الكلام دة مستحيل يحصل.

بس حلوة يا متر, ياترى رئيس محكمة عابدين هيتنقل حلايب و شلاتين امتى؟