وانا فى الاعدادية لا اذكر اى سنة تحديدا , كنت مروح مع رامى بعد انتهاء انتخبات مجلس الفصل. كان نازل فى اللجنة الرياضية يمكن لانها الحاجة الوحيدة الى ليها لذمة ,دورى بقى واجتمعات ورايس اللجنة يحط الخطة السرية و يختار زى الفريق و كل الكواحيل و النص نص يمسحولوا جوخ علشان يلعبوا المتش الجاى.......كانت عملة زى مجلس الشعب .وكان واحد اسمة احمد , شاب حيلوة كدة نازل ادام رامى. احمد كسب – مش علشان اخوان. الصراحة الواد رامى كان ابعد ما يكون عن الرياضة وقتها يمكن تعرفه على انة كتلة لحم اكتر من اى حاجة تانية . طول عمرة بيطلع اول الفصل وعادى الفصل لازم يتنفخ من الدحيح. المهم انا كنت بتنفخ من الرياضة و اللجن و العك دة كلوا فا الانشطة مش فارقة معايا .

رامى بقى كان مروح مكتائب اولا لانة خسر اللجنة المجيدة و ثانيا ان احمد و رامى تقريبا صحاب انتيم , بما ان رايس اللجنة من حقة يختار النائب بتاعة – منفعش مايخترش نائب – فتوقع رامى ان احمد هيختارة , بس احمد قلبة !!!

فى اليوم دة رامى قالى مصطلح هام , النهردة شايفة سياسى جدا و بيعبر عن ناس كتير قالى :"الواد دة بق حمضان" فكرت كتير يعنى اية بق حمضان؟يمكن لما واحد يعد يتكلم كتير من غير ما يسمع ولا يشوف اية الى بيحصل ادامة مجرد عايز يتكلم افكارة بتحمض فا الكلام بيطلع حمضان لانة كلام قدم و حمض؟ يمكن لما واحد يتكلم كتير من غير ما يبلع ريقة ولا يشرب بق ماء ريحة بقة بتبقى وحشة فا من هنا طلعت الكلمة؟ علشان كدة بيحطوا ازايز مية فى "المؤتمرات" المحلى منها و العربى و الدولى علشان يثبتوا ان المتكلم مش "بق حمضان". ولا رامى كان يقصد ان البني ادم دة كلة على بعض "معفن" فبقة كمان هيكون حمضان؟

كل ما اقراء حاجة كاتبها واحد زى مصطفى بكرى او اسمع عن موقف لة فى البرلمان المبجل , ديماً بفتكر رامى لمل قال على احمد" الواد دة بق حمضان".