شاهد الفديو هنا

طيب الناس دية زعلانة علشان وعود الادارة متنفزتش . لكن الغريب انهم لسة مش زعلنين من الشخص او النظام الاى جاب الادارة دية علشان تدرهم. الربط بين النظام السياسى و الفشل الاقتصادى لسة مش موجود عند رجل الشارع العادى . محدش قادر يشوف ان الغلاء و التضخم الرهيب الى عايشين فى مسؤلية الرائيس . اظن ان صفوت الشريف لعب دور مهم جدا فى تلميع الرئيس لحد دلوقتى بتسمع انة الى  صاحب اول ضربة جوية ..... طب ياخونة الراجل الى عسكرة حطة اول رجل فى سيناء دة فنة و طيب قائد سلاح المهندسين الى بنوا الكبارى علشان الجيش يعبر راح فين . الناس دية لية ممسكتش رئاسات ولا حتى متعملهاش صور و تماثيل و اغانى زى الريس لية مش دول  كمان ليهم دور فى العبور العظيم. طب منخليان غير واقعين شوية و نقول طقم المهندسين الروس الى بنوا الميج لية معملنلهمش اغانى نسمعها للشعب كل ما ستة اكتوبر تيجى؟

انجاز ..."لو ينفع يتسمى انجاز" ماشى بس ملوش معنى ان واحد يحكم فوق الستة و عشرين سنة علشان كان قائد سلاح الطيران وقتها.  الناس لسة محتاجة تربط حجات كتيرة ببعض .طب جيمى لما يمسك ادة ولا عبر ولا نيل اخروة بيروح يصيف فى شرم هيطبلولة على اة علشان ابن صاحب اول ضربة جوية ؟ يمكن علشان كدة ايمن نور مينفعش يمسك. طب لية اولاد السادات مورثوش مجد العبور من ابوهم؟؟؟؟