سيجارة مرلبورو احمر مش مخززة و فنجان قهوة بوش و محمد منير قلبة برج حمام . بتشتى برة (بتشتى اسكندرانى) بس انا دفيان منغير هدوم كتيرة . لسة فى حجات حلوة!!! :)

خلال الشهر الى فات سفرت كتير , فى الاول كان شئ لذيذ التنطيط يعنى امريكا الى مصر مرورا بلندن بعدين مصر لدبى بعدين دبى لتيلاند و نفس مسار العودة الى امريكا بس مرورا بفرنكفورت . سيبك من كل حاجة المطرات عندنا اية الهباب دة لية كدة يا اخونة . يعنى و انا نازل دبى عادى متوقع ان المطار هناك يضرب مطارتنا بالجزمة و بالمنسبة المطار نسخة من مطار ديترويت بس من غير القطار الى بيربط المطار ببعضة. لكن مطارات تيلاند تطلع انطف من الى عندنا ....لية يعنى. انا نزلت فى تلات مطارات هناك اتنين فى بانكوك الى هما المطار الدولى و دة زى اى مطار فى اوربا و امريكا بعدين المطار المحلى و دة مستواة اقل طبعا بس لسة انطف من الى عندنا و اخيرا مطار بوكات ودة ممكن نقرنة بالمطار بتعنا بالمنسبة دة مدينة سياحية مهيش مركز تجارى ولا اقتصادى ولا احزنون.

انا بقارن بمطار القاهرة كل دة مطار اسكندرية الدولى الشهير ببرج العرب دة بقى عامل زى استراحة السوبر جيت ولا يمكن السوبر جيت انضف شوية. الى كان بيوصلنى مكنش مصدق ان دة المطار يقلى لا احنا تهنا يا عم دة المطار مفيش مصدقش غير لما سؤل. التكسيات بقى ......معنديش مشكلة فى الهربدة و التكسير الى هى فية بس اية المشكلة انها تتنظم فى طبور كدة و الناس تركب بنظام؟ طول عمر البلد و الى فيها كسفنا بس المرادة كسفتونا بزيادة!

 read more »

A man do ....what he has to do. 

 المدير بتاعى عايزنى احضر تدريب عن تشغيل المكن و الامن الصناعى و الذى منة . و كالعادة انا ما بركزش مع مدرس عمال يرغى فكنت بطلع حجج علشان اهرب من التدريب . النهردة كنت فاضى و معنديش حاجة اعملها فقرارت اروح اشوف اية النظام . القعدة كانت علشان تعلم المتدربين كيفية تدريب الاخرين . يعنى بيعلموا العمال الى عندهم خبرة المهرات اللى تساعدهم يعلموا العمال الجداد رغم ان الموضوع ملوش علاقة بية ولا من قريب ولا من بعيد بس قعت اسمع .  read more »

ارى التوتر الطائفى فى مصر مشكلة لا تتعلق بالدين فقط . و ما ارة اننا كلنا عنصرين و نبحث على و سيلة لتفريغ كرهنا للاخر اى كان . هل المشكلة بين المسيحين و المسلمين فقط ؟ لا اظن لدينا البهائين و اليهود . العنف لا يقع بين المسلمين و المسيحين لدينا السودانين و البدو و العنف ضد المرأة و الستة طويلة الملخص :اننا شعب عنصرى جدا

من الاشياء التى تثير غضبى وصف تفكر احدهم بالميكافلية.السسبب المباشر ان ميكافلى لم يكن صاحب فكر يدعوا لة انما لاحظ تصرف السياسين وقتها و قام بشرحة. ولكن تقول لمين اى مثقف فى بلدنا لمل يعوز ينجعص و يفتى يقولك "دية ميكافلية " و الغاية تبرر الوسيلة.

المشكلة:

 قبل ميكافلى السياسة لم تكن علم يدرس انما كانت اجتهاد شخصى او خبرة فردية بمعنى انك لن تجد كتابات جادة تشرح اساليب الحكم و كيفية التصرف فى المواقف المختلفة. يمكن الوضع دة كان قائم لعدم و جود فكرة تداول السلطة . يجب ان يكون الشخص ورث السلطة او او اخذها بالقوة فما جدوة تعلم السياسة اذا او انشاء علم لها الاولىّ ان تتعلم القتال حتى تحصل على السلطة (بالقوة) او تتعلم فى البلاط الملكى بتاع ابوك لكى ترث السلطة و هو الوضع الطبقى الكلاسيكى السائد وقتها. اذا السلطة و فنونها كانت معرفة مغلقة على طبقة معينة و هى الطبقة الحاكمة.و الذين يحفظوا هذة المعرفة هم مستشارى الملك و المقربين منة و بالتالى هم المجموعة التى تتولى تعليم الامير الصغير.

طب مين ميكافلى:

ميكافلى عاش فى ايطاليا و عمل فى بلاط عدة امراء ايطالين. كان مستشار ولكن ما فعلة هو توثيق و اخراج هذة المعرفة للعامة. اذا هو لم يخترع اساليب حكم جديدة الامراء و الملوك كانوا يتعدوا على جميع الاخلاقيات و الاعراف السائدة قبل ميلاد مكافلى بالاف السنبن لكن لم يوثق احد ذلك الا فى شكل تاريخ . و الفرق ان التأريخ يسرد ما حدث فقط . ما فعل ميكافلى هو تصنيف الحدث . اذا قرائت الكتاب النقمة " الامير" سوف تجد ابواب مثلا المدينة المتمردة , عندما يدين الجيش لقائد اخر و هلما جرى. بمعنى انة وصف التصرفات التى قام بها الحاكم للتغلب عى مشكلة . لا يعنينا اذا كان التصرف اخلاقى او شرعى ما يعنينا اذا حل المشكلة او لا . و هو ما كان يتعلمة الامراء فى البلاط لن يتعلمة التصرف باخلاقية لكن سوف يتعلموا الحفاظ على العرش , اذا جاء فى اطار اخلاقى خير و بركة.

 read more »

-علشان كنت بعمل فرق و اوقات بحس بالى بعملوا.

-علشان عشتى زمان فى مصر وحشتنى , ومش عايز ابقى غريب عن نفسى .

-علشان مقلقش من بكرة ماهوا فىّ حد يسندنى.

-علشان انا اتنفخت من فكرة ان عربتى ممكن تبوظ و اصرف علها اكتر من تمنها علشان اصلحها.

-علشان انا طبقى معفن و عايز احس بوضعى الطبقى, و دية حاجة مش موجودة هنا.

-علشان انا عايز ابنى مصنع و ينجح و ابنى مصنع تانى و افتح شركة ادوية فى الاخر.  read more »

عندما تستقظ كل يوم فى السابعة

تستعمل الموس لتأكد ان ذقنك حليقة مثل اليوم السابق

ثم تعد الفطور و تاخذ دش

و تختار قميص مكوى بعناية

او فلتكن "بولو" و بنطلون قماش

و تتسائل اى جذمة تليق مع الالوان

ثم تصفف شعرك

و لا تنسى الافتر شيف و الديودرنت

نظارت الشمس ثم الوصل فى موعدك

تنظر كل صباح الى الميل

تجاوب من راسلوك و تقراء باهتمام تقارير الانتاج

ولا تنسى تعليقات الاستشارى على مشاكل الامس

انها الثامنة و النصف هناك اجتماع

و العاشرة هناك اجتماع اخر

و طبعا هناك اجتماع ثانى فى وقت ما

تاخذ ملاحظاتك باهتمام و تحتسى الشوربة

كنت اتعجب من الشوربة فى الصباح!  read more »

تليفون البيت لسة راكب قلت اكلم المعارف و الاصدقاء بدل ما انا قاعد زى قرد قطع كدة , عادة فى لفات المكلمات دية الحديث بيبداء بفينك وحشنى , كنت لسة على بالى و اية الاخبار بقى بعدين بياخد المنحنى الى بكرهة الناس عملة اية؟ و عادة فى الاجابة تلاقى تلات اربع تنفار هجروا او سفروا اماكن الجذب الان و كالعادة امريكا و كندا و دبى.

ا لغريب انى بلاقى بفات كاملة هجرت يعنى 6 تنفار كانوا بيقعدوا ديمن مع بعض على القهوة ولا فى المدرسة ولا الكلية فين الشباب يا عم كلوا خالع !!! مبكتبش الكلام دة علشان الوم حد انا نفسى خلعت بس تخيل لو كل صحابك بخ مفيش اتوزعوا على القرات . كمان فى ناس لم اتخيل انهم يهاجروا, ليهم وضع محترم جدا فى مصر الى هوا الشركة مراكباة عربية من ام 140 الف و جيبنلوا شقة 3 اوض و عمولات و هيص فين يا ريس ....خلعّ. و دة فى اكتر من شركة و تخصصات مختلفة. ناس كتيرة مبيكنش عندها فكرة السفر فجائة متلقيهوش . لو واحد مخطط للموضوع من فترة و عامل حسابة على السفر مفهومة. الوضع الى محتاج تأمل فجائية القرار.

تخيل ان اول ميكروباص عدى جنبك رحت ناطت فية منغير ما تسئل رايح فين ولا الاجرة كام. انا فاهم ان مفيش مواصلات و الدنيا زحمة بس دة مش مبرر انك تركب حاجة مش عارف وخداك فين.

بعدين انا اول مرة احس فعلان ان الموضوع زاد , كنت اعرف حوالى 25 نفر اكبر منى ب 6-10 سنين بفتكر مين فيهم قاعد فى مصر بلاقى 3 و 22 هجروا . و طبعا دكترة و مهندسين الخ...... مرة تانية انا شخصيا عملت زيهم فمينفعش انقض تصرفاتهم بس ينفع استغرب من تحول الهجرة الى مرحلة طبيعية فى حياة الانسان . "مش مهم انتا عايز تعمل اية فى حياتك هاجر احسن , الى انتا عايزة هتحققة احسن برة" لما برجع مصر اجازة بفكر بعد كام سنى كدة هلاقى حد اساسا اعرفة لسة قاعد فى البلد ولا كلوا بح؟؟؟  read more »

جبلنا واحد اسمة fred Garcia , كل شغلتة فى الحياة تعليم المؤساسات كيفية ادارة الازمات , بيشتغل مع شركات كتيرة كبيرة كمان مع وزارة الدفاع الامريكانى. الرجل كان بيعلق على فضيحة ابو غريب و رائية كان ان سبب تحولها الى فضيحة يرجع اساسا لغباء رمسفليد فى التعامل معاها. بيقول كان الفروض يعلن فتح تحقيق فورى مش يخلى رئيس الاركان بتاعة يقعد اليلة الى قبل نشر الخبر يحاول انة ميتنشرش. وعلق تعليق شدنى جدا ان حتى لو قدر يقنع الصحف ماتنشرش البلوجر مش هيسكتوا . النقطة الى كان عايز يوصلها الراجل ,ان مهم جدا فى حالة اتخاذ قرارات او اطلاق تصريحات فى حالة ازمات من النوع دة ان التصريح يكون صادق لان مفيش حاجة ممكن تدارى فضيحة الايام دية " البلوجر هيفضحوك."

النقطة الى بعدها اتكلم عن نفى وزارة الدفاع لواقعة التعزيب على لسان رمسفيلد , لان الكذب بيسوء صورتك جدا و بيفقدك اى صداقية . يعنى التصيحات من عينة مفيش سجن ابو غريب اساسا هى اسواء حاجة ممكن المؤسسة تعملها.

رامسفيلد استقال تانى يوم الديموقراطين رجعوا الاغلبية فى المجالس النيابية .

يعنى الكذب فى قضاية التعذيب مش هينفع و الفضيحة جية جية , السيطرة على وسائل الاعلام فكرة مبتنفعش.

 read more »